Gielddaválggat 2021
Álggán evttohassan gielddaválggaide ovddidan dihtii ovttaveardásašvuođa, mielladearvvašvuođabálvalusaid ja Helssega, mii lea lahka luonddu!
Europarlamentarihkkárin munnje lea dehálaš seailluhit oktavuođa gávpotlaččaid árgabeaivái, gullat olbmuid ja ollašuhttit ideaid. Lean leamaš gávpotstivrras jagi 2017 rájes, ja ruoná áirasa ja MEP bargguid ovttastahttin leamašan munnje fápmun. Giittus eatnat arvvosmahttimis dán rádjái.
Áirrasin lean ovddidan ovdamearkka dihtii juvssahahtti mielladearvvašvuođabálvalusaid ja mielladearvvašvuođa vuosttašveahkkeskuvlejumi skuvllaide. Dahken álgaga rabas mielladearvvašvuođaklinihkain, gos beassá dalán nuvttá mielladearvvašvuođaveahki ollái, dušše beare vázzimiin sisa. Álgaga vuođul Helssega gávpot lea rahpan guokte Mieppi-klinihka Kalasatamai ja Myllypuroi. Boahtte gávpotstivrabajis mu mihttomearri lea, ahte mielladearvvašvuođabálvalusat buktojuvvojit lahka buohkaid, ja Terapiatakuu ollašuvvá. Máŋgasat dis leat muitalan, ahte leat ožžon veahki alcces dahje lagaš olbmui dáin bálvalusain dalle, go dárbu lea leamaš stuorámus. Dát sánit leat guoskkahan, ja arvvosmahttán rahčat.
Dán bajis lean dahkan oktiibuot 16 váldostivraálgaga, maiguin lea ovddidan ovdamearkka dihtii luonddugeinnodagaide beassama almmolaš johtolaga fievrruiguin, viiddit seksuálabajásgeassima, bearrašiid bálvalusaid, vuojadankájaid ja unnitloguid